20080302-03

兩日一夜密集式的番禺之旅圓滿結束，回來後除了累之餘，就是無限的興奮與不捨。

星期日９點鐘４人先在上水集合，然後在羅湖等侯其餘２人～＞飲早茶～
之後搭巴士去番禺，車程差唔多一個鐘，好快就到達我地既５星級酒店！



 
＝歐洲假日國際公寓＝　酒店間隔是住宅式的～好靚呀！一廳兩房，仲有埋獨立廁所～
不久之後起程，1330 先在酒店樓下飲茶 (又係飲茶)~ 搞笑地叫多左野食，食到好飽！
之後我地就搭七人房車去番禺香江野生動物園喇～！


坐火車遊覽動物園，我從來未試過一次過見咁多動物啦！
好多好多鹿呀～
最最最最開心就係買樹葉餵長頸鹿！！影左好多相呀～佢地個樣好可愛好！
之後見埋大笨象～一家大細～都係好Ｃｕｔｅ架！　


下一站，我地就搭車去睇大馬戲喇～內地搭車真係好麻煩架，明明已經迫爆車，
因為大家都唔會排隊，而且趕時間去睇馬戲，我地６個人只有少少既空間企o係司機隔離既位置！
到達後，等左好耐先開場～不過真係好好睇呀！
最鐘意哥倫比亞人的表演，四個人在四個輪上不停搖晃跑步‥
好多好危險的動作！

最可愛的動物係黑熊人！兩隻腳行路～好似人咁樣！如果佢係黃色就十足維尼熊咁呀！

完場後去左食街食晚飯～係食辣野呀！咩都辣呀～但又接受到ｗｏ！仲有埋單好平呀！
２０隻窩貼都只係＄１０，一碗麻辣麵係＄６，好好味呀！！！！！！仲有田雞食～


好滿足咁返酒店～返到去先同莎莉慶祝生日～o係佢唔知情下，我地點好哂蠟燭敲門～
生日快樂呀！！！


我地每pair一間700呎既房，真係好似自己屋企咁

第二日又要好早起身～我同kaka好累都寧願唔食早餐訓多陣～
我地出發喇～第二日係去長龍玩機動遊戲！！！挑戰垂直過山車呀！！！！
玩到人都顛＞＜不過真係好爽既～

玩足一日　真係好累呀！！！
夜晚去了廣州食海鮮大餐！！！
‥嘻嘻
有扇貝有蟹有蝦蟹有好似螺既野有菜有斑‥．．．好美味

食完飯都已經９點幾～我地搭的士去火車總站，然後買飛搭返深圳～
一個鐘既車程～
好快就要跟大家分別喇～
希望下次再見～再去玩過！


返到香港都１２點幾喇～～！！好累好累呀　成身散哂呢～
不過成個旅程都好開心！

前日放假同kaka去左mega box 睇<<1408>>  ,又一套垃圾西片 ,仲慘過睇許冠文d爛gap  ,個mega box 超靜 ,得個小貓三四隻 ,係入面工作o既人仲多個行街個d ,係入面d sales ,個個都無野做 ,企成日都無生意, 係度返工就慘喇 ,一定悶死 ,遲早執....

導火線終於上左 ,放工睇子夜場 ,等到1點8先入場 ,甄子丹超好秋 ,不過成套片係咁打 ,冇乜劇情 ,有d失望....

唉... ... 放假先黎8號風球~~~屌...